文化娛樂

自娛精選！夏威夷小結他套裝蓄勢待發

想去夏威夷渡假？發夢啦！小編知道自己都係冇錢冇時間出國玩，所以諗左個方法安慰下自己就係買個ukulele比自己玩。不過小編都知自己咩都三分鐘熱度，你叫我用幾百蚊買件樂器又…… 但係，有淘寶，使乜驚！其實現時淘寶有好多ukulele套裝買，百零蚊人民幣就包簡易教學、背帶、結他袋同調音器等配件，唔使煩。音色方面，小編唔係專家其實好難答你，不過買黎開心下就絕對老少咸宜啦。小編買左1年，剩係識彈Jingle bell第一句咩話？你話仲有半年先到聖誕節？到時學埋第二句未啱啱好囉！

▲水果系列真係可愛到暈，小編唔小心買咗個西瓜……吖唔係，係西瓜型小吉他至真。